கரூர் உயிரிழப்புக்கு NSWF. சார்பாக ஆழ்ந்த இரங்கலை தெரிவித்துக் கொள்கிறோம் !

கரூர் தவெக மாநாட்டில் நிகழ்ந்த இந்த பேரதிர்ச்சியில் உயிரிழந்த அனைவருக்கும் தேசிய சமூக நல அமைப்பு (NSWF) சார்பாக எங்கள் மனமார்ந்த இரங்கலையும் கண்ணீர் அஞ்சலியையும் செலுத்துகிறோம். இந்த சம்பவம் சாதாரண ஒரு விபத்தல்ல — மக்களை பாதுகாக்க வேண்டிய அரசின் மற்றும் காவல்துறையின் மெத்தனப் போக்கும் அலட்சியமும் நேரடியாக காரணமாகியுள்ளது. பொதுமக்களின் உயிர்தான் அரசின் முதல் பொறுப்பு. ஆனால், இங்கே அந்தப் பொறுப்பு முற்றிலும் புறக்கணிக்கப்பட்டது. மக்களை காப்பாற்ற வேண்டிய அதிகாரிகள் இயலாமையுடன், அரசின் இயந்திரமே செயலிழந்தது. இந்த பேரழிவுக்கு தமிழக அரசு மற்றும் காவல்துறை ஒவ்வொரு உயிருக்கும் பொறுப்பு ஏற்க வேண்டும். உண்மையான நடவடிக்கைகளும், பொறுப்புக்கூறல்களும் இல்லாமல் இந்த மக்கள் துயரம் நிம்மதி அடையாது. எனவே, இந்த விபரீதத்திற்கு காரணமான அதிகாரிகளை உடனடியாக பணி நீக்கம் செய்து கடுமையான சட்ட நடவடிக்கைகள் எடுக்க வேண்டும் என தமிழக அரசை எங்களது அமைப்பு வலியுறுத்தி கண்டிக்கிறது. நெஞ்சை பிளந்த இந்த இழப்புக்கு பதில் சொல்லாமல் அரசு அமைதியாக இருப்பது வரலாறு மன்னிக்காத குற்றமாகும். ர. சிவனேசன் சர்வதேச நிறுவனத் தலைவர் தேசிய சமூக நல அமைப்பு (NSWF)